Responsible Gambling

Ang pagsusugal ay dapat lamang ituring na isang uri ng libangan, at hindi solusyon sa problema sa pera o para makayanan ang stress. Ang gabay na ito ay tutulungan kang maintindihan ang mga gawain sa responsible gambling, malaman ang mga babalang sensyales, at maghanap ng mga mapagkukunan ng tulong kung maging problema ang pagsusugal.

1. Pag-unawa sa Responsible Gambling

Ang responsible gambling ay tumutukoy sa kakayanan na panatilihin ang kontrol at kaalaman habang nakikilahok sa mga larong ayon sa swerte o pagtaya. Ang Ibig sabihin nito ay dapat ituring ang pagsusugal bilang isang libangan sa loob ng iyong kakayahang pinansyal at oras, at hindi bilang potensyal na pagkukunan ng kita o solusyon sa problemang pinansyal.

Ang pundasyon ng responsableng pagsusugal ay ang pag-unawa na ang bawat larong sugal ay nagdadala ng likas na panganib na mawalan ng pera o iba pang mahahalagang bagay. Ang mga larong swertehan ay ginawa ayon sa konsepto ng “house edge”, kung saan sinisiguro na sa katagalan, ang mga gambling operators ay laging kikita habang ang mga manlalaro ay matatalo ayon sa estadistika. Ang pagiging mulat sa katotohanang ito ay mahalaga kung gusto mong magkaroon ng magandang relasyon sa kahit anong uri ng sugal.

Ang responsableng paglalaro ay nagsisimula sa paggawa ng klaradong limitasyon bago tumaya. Ibig sabihin nito na kailangan mag-desisyon nang maaga kung magkanong pera ang kayang ipatalo – nang hindi naaapektuhan ang iyong mahahalagang gastusin o ipon – at kung ilang oras ang kaya mong ilaan sa paglalaro. Ang mga limitasyon na ito ay makatutulong sa pagsiguro na ang pagsusugal ay nananatiling masayang libangan lamang at hindi nakakaapekto sa iyong trabaho, relasyon sa ibang tao, o ibang aspeto ng iyong buhay.

2. Mga Pangunahing Alituntunin sa Responsible Gambling

Ang pinaka-epektibong paraan para masiguro na ligtas ang pamamaraan sa pagsugal ay ang pag-set ng limit at pagpapanatili ng tamang antas ng kamalayan sa sarili. Ang pagkilala sa iyong mga limitasyon ay nangangailangan ng tapat ng pagsusuri ng iyong sitwasyong pinansyal, pati na rin ng iyong estado ng emosyon.

Tandaan, sumugal lamang ayon sa iyong budget na kayang ipatalo nang hindi naaapektuhan ang iyong kakayanan na bayaran ang mga pangunahing bayarin, utang sa bahay, o iba pang kailangang gastusin. Halimbawa, okay lang kung manalo ng PHP500 sa isang office lottery at itaya ang perang ito sa casino. Pero ang pagtaya ng pera para sa iyong car loan payment o renta sa bahay ay hindi umaayon sa responsableng pagsusugal.

Ang mga limitasyon ay dapat ilatag bago ka pa magsimulang maglaro, at ang pagsunod sa mga ito ay napakahalaga. Kung napapansin mo na lumalagpas ka na sa mga hanggangang ito, tignan ito bilang isang seryosong babala. Huwag isawalang-bahala ito – maaaring nangangahulugan ito na ang iyong pagsusugal ay lumalayo na sa responsible gambling at napupunta ka na sa maling landas o adiksyon.

Iwasan ang pagsusugal kung nagkakaroon na ng matinding emosyon – positibo man ito o negatibo. Ang pagiging masyadong emosyonal sa laro ay nakakaapekto sa iyong pag-iisip at pwedeng humantong sa pabigla-biglang desisyon na may hindi magandang kalalabasan. Tandaan, ang pagsusugal ay hindi dapat gawin bilang pangtakas sa stress, problema, o kahit anumang masalimuot na nararamdaman.

Ang pag-unawa sa mga patakaran ng laro at kung paano gumagana ang odds ay napakahalagang bahagi ng responsible gambling. Ang pagkakaroon ng kaalaman ay nakatutulong din sa pagpapanatili ng makatotohanang ekspektasyon at pag-iwas sa paggawa ng mga desisyon ayon sa maling paniniwala, na maaaring humantong sa pagkabigo at hindi inaasahang resulta.

3. Mga Estratehiya Para Mabawasan ang Risks

Ang pagkakaroon ng maagap na pamamaraan sa pagbawas ng risk sa paglalaro ay mahalaga, kahit na pakiramdam mo ay kontrolado mo ang iyong pagsusugal. Maaari itong ihalintulad sa paglalagay ng alarm sa bahay – hindi mo ito ginawa para mag-expect na may papasok na kawatan, kundi para magkaroon ng seguridad kung sakaling may mangyaring hindi inaasahan.

Ang Ilan sa mga lisensyadong gambling providers ay may iba’t-ibang limit-setting tools na pwedeng gamitin para sa mas maayos na pamamahala ng iyong gambling activities. Ang mga ito ay mayroong deposit limits, stake limits, time limits, bet size restrictions, at loss limits. Sa paggamit ng mga tools na ito ay matutulungan kang maging responsable sa paglalaro at sumunod sa tamang desisyon kahit maging emosyonal man sa nangyayari.

Gambling Limit Tools

• Limitasyon sa oras: ilagay ang maximum time na kaya mong ilaan sa paglalaro sa loob ng isang araw, linggo, o buong buwan. Kapag naabot na ang max time limit mo, awtomatikong matatapos ang iyong session, o kaya naman ay may makikitang warning.
• Limitasyon sa deposito: ilagay ang maximum deposit amount sa iyong account kada araw, linggo, o buwan.
• Limitasyon sa taya: limitahan ang maximum stake amount na pwedeng itaya sa isang laro o session.
• Self-exclusion: i-block ang access sa iyong account sa loob ng extended period tulad ng anim na buwan, isang taon, o walang takdang panahon, kung saan hindi ka makakapaglaro o makakagawa ng deposito.
• Limitasyon sa talo: ilagay ang maximum loss limit na pwedeng mawala sa loob ng nakatalagang oras. Kapag naabot ang limit, ang karagdagang paglalaro ay maaaring ma-block pa rin.

Magandang alalahanin na ang mga limitasyon ay hindi naipapasa sa ibang gambling operators. Dahil dito, kung gagamit ka ng iba-ibang gambling platforms, mahalagang ma-track ang iyong mga deposito sa iba’t-ibang providers sa isang spreadsheet o kaya mag-set ng conservative limits para sa bawat platform.

Ang pag-set ng budget para sa mga gawaing libangan, kabilang na ang pantaya, ay pwedeng maging epektibo. Pagkatapos itabi ang lahat ng pera para sa mga importanteng bayarin, alamin kung magkano ang kaya mong ilaan sa pagsusugal. Gayundin, isipin kung ilang oras ang pwedeng gamitin sa paglalaro, habang kinokonsidera ang paglaan ng oras sa iba pang masasayang aktibidad.

Magpahinga nang regular upang makapag-isip kung anong paraan ang gagamitin sa pagsusugal. Tanungin ang sarili ng mga katanungan tulad ng: Ano ang motibasyon ko sa paglalaro? Ano ang nararamdaman ko habang nagsusugal at pagkatapos maglaro? Nakakalimutan ko ba ang oras at pera habang naglalaro? Kaya ko bang ikwento ang aking pagsusugal sa ibang tao na malapit sa akin? Ang tapat na pagsusuri sa sarili ay makatutulong sa pagtukoy ng mga posibleng problema na makukuha bago sila maging seryosong isyu na makakaapekto sa buhay ng isang tao.

4. Pagtukoy sa Mga Senyales ng Babala

Ang pag-alam sa mga maagang senyales ng babala ng pagsusugal na nagdudulot ng problema ay napakahalaga sa pag-iwas sa adiksyon. Ang mga nakakabahalang sintomas ay makikita kapag unti-unti kang nawawalan ng kontrol sa iyong paglalaro. Narito ang mga pinakaimportanteng senyales ng babala:

Babalang Palatandaan sa Problemadong Pagsusugal

1. Dumadaming oras at pera na nailalaan sa pagsusugal na lagpas na sa itinakdang limitasyon, madalas sa paunti-unting dagdag hindi na ito namamalayan hanggang sa magkaroon ng napakalaking problema sa sugal.
2. Itinatago na ang pagsusugal sa pamilya o nagsisinungaling na tungkol sa gaano kadalas maglaro at ang epektong pinansyal nito sa tao – pag-uugali na nagpapakita na hindi mo na namamalayan ang mga problemadong patterns na ito.
3. “Paghabol sa talo” sa pamamagitan ng pagdagdag sa pantaya o dalas ng paglalaro matapos ang pagkatalo, na maaaring humantong sa delikadong siklo kung saan ang tamang pagdedesisyon ay nagiging kompromiso.
4. Paulit-ulit na pagsira sa itinalagang limitasyon sa pagsusugal kahit may magandang intensyon na ikontrol ito – isang kritikal na indikasyon ng pagbaba ng kapasidad na kontrolin ang sarili.
5. Nagkakaroonng withdrawal symptoms tulad ng anxiety, pagiging iritable, o kapaguran kapag susubukan tumigil sa pagsusugal, maaaring pinapakita nito na may dependency na tulad ng adiksyon.
6. Mas inuuna ang pagsusugal kesa sa mga obligasyon sa trabaho, relasyon sa pamilya at kaibigan, at pag-aalaga sa sarili, epektibong binabago ang mga prayoridad sa iyong buhay kung saan nasa ibabaw ang sugal – isang matinding pagbabago na sabay-sabay na sumisira sa iba’t-ibang aspeto ng buhay.
7. Ginagamit ang sugal sa pagtakas sa stress, depresyon, o ibang emosyonal na problema, na pwedeng humantong sa hindi tamang pagharap sa problema kung saan lumalayo sayo sa pag-resolba ng mga tunay na isyu.
8. Matinding kagipitan sa pera tulad ng pag-utang, pagbebenta ng mga ari-arian, o pagsali sa mga bagay na hindi mo karaniwang ginagawa para may pantaya sa sugal.

5. Mag Epekto ng Problemadong Pagsusugal

Kapag ang pagsusugal ay lumagpas na sa pagiging paraan ng libangan, ang mga epekto nito ay maaaring maging lubha at matindi. Ang Problema sa pera ang madalas na pinakamalaking epekto ng sugal sa mga lulong na mga sugarol. Lumalaking utang, bawas na ipon, at ang kawalan ng kakayanang magawa ang mga pinansyal na obligasyon ay ilan lamang sa pwedeng mawala sa kontrol ng isang tao, na maaaring humantong sa hindi siguradong kalagayang pinansyal.

Ang problema sa pagsusugal ay maaari ring kaakibat ng matinding tensyon sa relasyon sa ibang tao. Ang problema sa pagtitiwala ay pwedeng maranasan kapag ang paglalaro ng sugal ay itinatago o kapag ang pera ng mag-asawa ay nakokompromiso na nang walang pahintulot. Ang pamilya at mga kaibigan ay maaari rin makaranas ng pagkalito, galit, at pakiramdam ng trinaydor kapag nalaman ang tungkol sa pagsusugal.

Maaari ring lumabas ang mga problema sa kalusugang pangkaisipan dulot ng pagsusugal, na pwedeng magbuo ng komplikadong siklo kung saan ang bawat problema ay nagpapalala lamang sa isa’t-isa. Ang relasyon sa pagitan ng problema sa sugal at kalusugang pangkaisipan ay maaaring makita sa iba’t-ibang hindi pangkaraniwang paraan, tulad ng mas malalang stress, anxiety, depresyon, at pakiramdam ng hiya o konsensya.

Ang mga problema sa sugal ay pwede rin makaapekto sa trabaho, kung saan babagsak ang pagiging produktibo, nagiging late na lagi, umaabsent na rin, at, sa mas seryosong kaso, maaaring mawalan ng trabaho. Nahihirapan magpokus at okupado na lagi ng pagsusugal kaya humihina ang paggampan sa trabaho.

Para sa ibang tao, ang mga isyu sa pagsusugal ay pwedeng lumala pa at maging problemang legal – lalo na kung gumagawa na ng illegal na paraan para magkaroon ng pantaya o bayaran ang utang. Ito ay maaaring humantong sa paulit-ulit at pabigat na siklo ng pinansyal, legal, at emosyonal na problema na nagiging mas mahirap itigil.

6. Gumawa ng Paraan Para Tulungan ang Sarili

Kung nakakaranas ka ng mga senyales ng babala sa maling pagsusugal, pwede kang gumawa ng mga paraan o hakbang para makontrol ulit ang sarili:

Mga Estratehiya Para Matulungan ang Sarili

1. Dumistansya muna. Kung maaari, magpahinga sa kahit anumang uri ng sugal. A maikling cooling-off period ay pwedeng makatulong na linawin ang iyong isipan at magbigay ng perspektibo na kailangan para muling suriin ang iyong relasyon sa pagsusugal.
2. Humanap ng mga kasiya-siyang alternatibo. Palitan ang sugal ng mga bagay na nakakapagpasaya sayo nang hindi kailangan isugal ang iyong pera, katulad ng pag ehersisyo, malikhainglibangan, pakikihalubilo sa ibang tao, o mag-aral ng bagong skill.
3. Basagin ang katahimikan. Ikwento ang mga alalahanin sa mga taong pinagkakatiwalaan mo. Makipag-usap sa mga kaibigan tungkol sa problema mo sa pagsusugal para mabawasan ang iniisip, na maaaring magbigay ng bagong simula, at magbukas ng pinto para sa mga hindi inaasahan suporta sa iba.
4. Pakinabangan ang mga magagamit na tool. Gamitin ang mga features ng lisensyadong operators para sa responsableng pagsusugal, kabilang na ang self-exclusion programs, deposit limits, at session time limits na nagbibigay kamalayan habang naglalaro ng sugal.
5. I-track lahat. Gumawa ng gambling journal para sa mga oras na ginugugol sa paglalaro, perang tinaya, mga napanalunan at naipatalo, ang mga emosyon mo bago at pagkatapos ng pagsusugal, at mga patterns na napansin mo sa iyong mga sessions. Ang simpleng pagbantay na ito ay maaaring magpakita ng mga nakakagulat na kaalaman tungkol sa mga trigger na pwedeng maging mahalagang kasangkapan para sa positibong pagbabago.

7. Tulong at Mga Resources Mula sa Mga Eksperto

Kung ang pagsusugal ay nagiging malaking problema na sa kabila ng pagsusumikap na tulungan ang sarili, may iba’t-ibang mga opsyon na available para sa nangangailangan ng suporta

7.1 National Help Lines

National Help Lines – isang mabilis na tulong mula sa National Center for Mental Health Crisis Hotline: 1800-1888-15553. Ang mga numero ng teleponong ito ay maaaring tawagan kung ikaw ay nakakaranas ng matinding problema sa pagsusugal o iba pang mental health-related concerns. Isa pang hotline na pwede mong tawagan ay ang Recovering Gamblers Philippines sa 0917-509-4080 para sa suporta at tulong na malagpasan ang problema sa pagsusugal sa Pilipinas.

7.2 Gamblers Anonymous

Ang Gamblers Anonymous ay isang asosasyon na nagbibigay ng mutual support para sa mga taong nakakaranas ng gambling addiction at iba pang mga kaparehong problema. May regular meetings – personal at online – para bigyan ang mga kalahok ng pagkakataon na ibahagi ang kanilang mga karanasan at suportahan ang bawat isa na malagpasan ang adiksyon. Para makahanap ng mga meetings sa iyong area, bisitahin ang Gamblers Anonymous website.

• Gamblers Anonymous Philippines – Ang GA Pilipinas ay nagbibigay suporta sa pamamagitan ng regular meetings at isang 12-step program. Nagbibigay sila ng face-to-face at virtual meetings sa iba-ibang lokasyon, kabilang na ang Baguio, Alabang, Quezon City, Calamba, Cebu City, at Makati. Kung kailangan mo ng agarang tulong, tumawag lamang sa +63915 938 2808 o pumunta sa kanilang opisyal website na gaphilippine.com.

7.3 Professional Counseling

Ang mga espesyalistang therapist para sa gambling addiction ay maaaring magbigay ng mga pamamaraang paggamot na nakatutok sa isang indibidwal lamang. Narito ang ilang online directories para makahanap ng tamang treatment na kailangan mo:

• PsychConsult, Inc
• NowServing by SeriousMD

7.4 Financial Counseling

At dahil ang problema sa pagsusugal ay nagbibigay ng mga probleman pinansyal, ang espesyalista sa financial counseling ay makakatulong sa paggawa ng mga programa para maresolba ang pagkaka-utang at muling buuin ang katatagang pinansyal ng isang tao.

7.5 Self-Exclusion Programs

Ang mga pinaka-regulated gambling operators ay nagbibigay ng mga self-exclusion programs para maiwasan ang pag-access sa kanilang mga platforms sa loob ng itinakdang panahon o permanente na. Maraming mga hurisdiksyon ang ginawang sentralisado ang self-exclusion programs para sa iba-ibang gambling venues nang sabay-sabay.

May mga self-exclusion programs para sa mga gambling platforms sa Pilipinas ang inimplementa ng PAGCOR para sa responsableng pagsusugal. Ang application process para sa mga indibidwal ay maaaring gawin sa sariling kagustuhan. Kailangan lang mag-submit ng fully accomplished form, 2x2 photo, at photocopy ng isang valid ID. Ang mga exclusion periods ay 6 months, 1 year, o 5 years depende sa mapipili ng aplikante. Ang self-exclusion program na ito ay isinatupad sa buong bansa para sa lahat ng PAGCOR facilities.

7.6 Blocking Software

Ang mga technology tools tulad ng GamBlock o BetBlocker ay nililimitahan ang access sa mga gambling websites at apps sa iyong mobile devices, na nakakatulong upang magdagdag ng harang laban sa padalus-dalos na pagsusugal.

8. Summary

Ang responsible gambling ay nagsisimula sa kamalayan – ito ay ang kakayahang magtakda ng mga matitibay na limitasyon at pagkakaroon ng pag-unawa sa kung ano ang pagsusugal at anu-anong mga kahihinatnan ng paglahok sa mga ganitong uri ng aktibidad. Sa pagsunod sa mga alituntunin at patnubay na makikita sa gabay na ito, maaari mong dagdagan ang tyansang panatilihing libangan lamang ang sugal, at hindi pagmumulan ng mga problema.

Kung sa tingin mo ay hindi mo na makontrol ang pagsusugal, huwag matakot na humingi ng tulong – may mga suportang pwedeng magamit dito. Tandaan, ang paghingi ng tulong ay hindi senyales ng pagiging mahina, bagkus ay isang pruweba ng pagiging malakas, may kamalayan sa sarili, at pag-alaga sa sarili.